யாழ்ப்பாணம் தேசிய கல்வியியற் கல்லூரியின் விசேட கல்வி மன்றம் ஏற்பாடு செய்த விசேட கல்வி தினம் 2023 ஆனது எமது கல்லூரியின் பீடாதிபதி கலாநிதி சுப்பிரமணியம் பரமானந்தம் அவர்களின் தலைமையில் 22.11.2023 அன்று நடைபெற்றது. இந்நிகழ்வின் பிரதம விருந்தினராக வடக்கு மாகாண கல்வித் திணைக்களத்தின் விசேட கல்விக்கான உதவிக் கல்விப் பணிப்பாளர் திரு விஸ்வலிங்கம் விஸ்ணுகரன் அவர்கள் கலந்து சிறப்பித்தார். இவர் எமது கல்லூரியின் பழைய மாணவ ஆசிரியர் என்பது குறிப்பிடத்தக்கது. இந்நிகழ்வில் பல்வேறு கலை நிகழ்வுகளும் "திறன்" புத்தக வெளியிடும் இடம்பெற்றது. இந்நிகழ்வில் விரிவுரையாளர்கள் முதலாம் இரண்டாம் வருட மாணவ ஆசிரியர்கள் என பலரும் கலந்து சிறப்பித்தனர்.