யாழ்ப்பாணம் தேசிய கல்வியியற் கல்லூரியின் பீடாதிபதியின் வழிகாட்டலில் மாணவ ஆசிரியர் திரு.அ.ர.ஜெயதீபன் அவர்களின் "மீஎழு தலைமைகொள்" கவிதைத் தொகுப்பு வெளியீடானது எமது கல்லூரியில் 04.10.2023 அன்று பீடாதிபதி கலாநிதி சுப்பிரமணியம் பரமானந்தம் அவர்களின் தலைமையில் நடைபெற்றது. இதில் பிரதம விருந்தினராக திருமதி வாசுகி சுதாகர் (பிரதிக் கல்விப் பணிப்பாளர், கல்வி அபிவிருத்தி, மடு கல்வி வலயம்) அவர்களும், சிறப்பு விருந்தினர்களாக வைத்திய கலாநிதி மு. கதிர்காமநாதன் (International association of Lions club) லயன் கா. மகேந்திரன் (President - manner Pearl Lions club) அவர்களும், கௌரவ விருந்தினராக திரு எஸ். ஆர். ஜதீஸ் (தேச அபிமானி, பணிப்பாளர் மாணவர் தொண்டு நிறுவனம், மன்னர் மாவட்டம்) ஆகியோர் கலந்து சிறப்பித்ததுடன் கவிதை நூல் விமர்சனத்தினை திருமதி நவதீசன் உதயலதா (மானிப்பாய் ஆசிரியர் மத்திய நிலையம்) அவர்கள் மேற்கொண்டு இருந்தார். இவ்நூல் வெளியீட்டுக்கான அனுசரணையை மன்னர் மாவட்ட Pearl Lions club வழங்கியதுடன் இந்நிகழ்வில் கவிதை ஆசிரியர் திரு அ. ர. ஜெயதீபன் அவர்களின் பாடசாலை கால ஆசிரியர்கள் விரிவுரையாளர்கள் மற்றும் மாணவ ஆசிரியர்கள் என பலரும் கலந்து சிறப்பித்தமை குறிப்பிடத்தக்கது. இந்நிகழ்வில் எமது கல்லூரியின் பீடாதிபதியான கலாநிதி சுப்பிரமணியம் பரமானந்தம் அவர்களுக்கு தேச அபிமானி திரு எஸ் ஆர் ஜதீஷ் (பணிப்பாளர் மாணவர் தொண்டு நிறுவனம்) அவர்களால் "வித்தகச் செம்மல்" என்ற கௌரவ விருது வழங்கி கௌரவிக்கப்பட்டார்.