யாழ்ப்பாணம் தேசிய கல்வியியற் கல்லூரியின் 23ஆம் ஆண்டு நிறைவு விழா யாழ்ப்பாணம் தேசிய கல்வியியற் கல்லூரியின் 23ஆம் ஆண்டு நிறைவு விழா எதிர்வரும் 02-05-2023 அன்று சமய வழிபாடுகளுடனும் அரங்க நிகழ்வுகளுடனும் யாழ்ப்பாணம் தேசிய கல்வியியற் கல்லூரியின் பீடாதிபதி உயர் திரு சு. பரமானந்தம் அவர்கள் தலைமையில் நடைபெறவுள்ளது. பிரதம விருந்தினராக 'கருமத்திருதி' வைத்திய கலாநிதி. லயன்.வை தியாகராஜா அவர்களும், சிறப்பு விருந்தினராக உதவிக்கல்வி பணிப்பாளரும் கல்லூரியின் பழைய மாணவ ஆசிரியருமாகிய திரு சிவலிங்கம் முரளிதரன் அவர்களும் கலந்து சிறப்பிக்கவுள்ளனர். யாழ்ப்பாணம் தேசிய கல்வியியற் கல்லூரியின் முதலாவது பீடாதிபதி கலாநிதி தி. கமலநாதன் அவர்களின் பெயரால் கல்லூரியில் அதி உயர் ஆசிரியத்துவம் மற்றும் கல்விப் பெறுப்பேற்றை எய்தும் மாணவ ஆசிரியருக்கு தங்கப் பொலிகை விருது வழங்கப்படவுள்ளது. இவ்வருடம் முதல் முறையாக 2018-2020 அணியின் விஞ்ஞான பிரிவை சேர்ந்த மாணவ ஆசிரியர் திரு ஆனந்தராசா கோகுலராஜ் அவர்களுக்கு இவ்விருது வழங்கப்படுகின்றது. அவுஸ்திரேலியா NSW பல்கலைக்கழக பேராசிரியர் திரு.கு. அம்பிகைராஜன் தலைமையில், திரு S. ஸ்ரீகுமரன், திரு.குணசிங்கம் மற்றும் திரு க.செழியன் மற்றும் திருமதி. துளசி ஆகியோரின் பங்களிப்பில் இவ்விருதானது வருடாவருடம் வழங்கப்படவிருக்கின்றது. அத்துடன் கல்லூரியில் அதி திறமை சித்தி 2 மாணவ ஆசிரியர்களுக்கும், மற்றும் திறமைச்சித்தி பெற்ற 10 முதல்நிலை மாணவ ஆசிரியர்களுக்கும் 'கருமத்திருதி' லயன். வை. தியாகராஜா விருதும், கணிதப்பிரிவைச் சேர்ந்த திரு அற்புதராஜா இளங்குமரன் அவர்களுக்கு கோவிட் காலங்களிலும், தொடர்ந்தும் மாணவ ஆசிரியர்களின் நலன்களில் அக்கறையுடன் சேவையாற்றியமைக்காக பீடாதிபதி விருதும் வழங்கப்படுகின்ற அதே வேளை, கல்லூரியின் ஆரம்ப நாளிலிருந்து இன்று வரை கடமையாற்றிக் கொண்டிருக்கின்ற 11 கல்வி சார் மற்றும் கல்வி சாரா பணியாளர்களும் கௌரவிக்கப்படவுள்ளனர். சு.பரமானந்தம். பீடாதிபதி.