2018 ஆம் வருட க.பொ.த (உயர்தரம்) பெறுபேற்றின் அடிப்படையில் 2020 ஆண்டிற்காக தேசிய கல்வியியற் கல்லூரிகளுக்கு ஆசிரிய பயிலுனர்களை உள்ளீர்ப்புச் செய்வதற்கான இரண்டாம் கட்ட நேர்முகத் தேர்வானது யாழ்ப்பாணம் தேசிய கல்வியியற் கல்லூரியின் பீடாதிபதி திரு. சுப்பிரமணியம் பரமானந்தம் தலைமையில் யாழ்ப்பாணம் தேசிய கல்வியியற் கல்லூரி மைதான அலுவலகத்தில் 20.03.2021 மற்றும் 21.03.2021 ஆகிய தினங்களில் நடைபெற்று முடிந்தது. இம்முறை ஆரம்பக்கல்வி (தமிழ்மொழி மூலம்), தகவல் தொடர்பாடல் தொழில்நுட்பம் (தமிழ்மொழி மூலம்), கர்நாடக சங்கீதம், பரதநாட்டியம், விசேடகல்வி (தமிழ்மொழி மூலம்) ஆகிய பாடநெறிகளுக்கான நேர்முகத் தேர்வுகள் யாழ்ப்பாணம் தேசிய கல்வியியற் கல்லூரியில் நடைபெற்று வருவது குறிப்பிடத்தக்கது.