2019, 2020ஆம் ஆண்டுகளில் க.பொ.த. உயர்தர பரீட்சையில் சித்தியடைந்து யாழ்ப்பாணம் தேசிய கல்வியியற் கல்லூரிக்கு இணைத்துக்கொள்ளப்பட்ட மாணவ ஆசிரியர்களுக்கான திசைமுகப்படுத்தல் நிகழ்வுகள் கடந்த 10 நாட்களாக இடம் பெற்று இன்றைய தினம் (25.10.2023) நிறைவு நாள் நிகழ்வுகள் நடைபெற்றது. இந்நிகழ்வானது எமது கல்லூரியின் பீடாதிபதி கலாநிதி சுப்பிரமணியம் பரமானந்தம் அவர்களின் தலைமையில் எமது கல்லூரியில் ஓய்வு நிலை உப பீடாதிபதி செல்வி செல்வமலர் செல்வராஜா அவர்கள் பிரதம விருந்தினராகவும், யாழ்ப்பாணம் கல்வி வலய உதவிக் கல்விப் பணிப்பாளர் திரு பஞ்சராஜா சுரேந்திரன் அவர்கள் சிறப்பு விருந்தினராகவும் கலந்து கொண்டு சிறப்பித்தார்கள். இந்நிகழ்வில் புதிதாக இணைத்துக்கொள்ளப்பட்ட முதலாம் வருட மாணவ ஆசிரியர்கள் தங்கள் திறமைகளை வெளிப்படுத்தும் விதமாக பல்வேறுபட்ட நிகழ்ச்சிகளை அரங்கேற்றி தங்களின் ஆற்றல்களை வெளிப்படுத்தினர். இந்நிகழ்வில் விரிவுரையாளர்கள் இரண்டாம் வருட மாணவ ஆசிரியர்கள் கல்விசாரா பணியாளர்கள் என பலரும் கலந்து சிறப்பித்தனர்.