யாழ்ப்பாணம் தேசிய கல்வியியற் கல்லூரியின் 2023ஆம் ஆண்டிற்கான உலக ஆசிரியர் தின நிகழ்வானது 05.10.2023 அன்று நமது கல்லூரியில் கல்லூரியின் பீடாதிபதி கலாநிதி சுப்பிரமணியம் பரமானந்தம் அவர்களின் தலைமையில் மிகச் சிறப்புடன் நடைபெற்றது. இதில் பிரதம விருந்தினராக எமது கல்லூரியின் ஓய்வு நிலை விரிவுரையாளர் திருவாளர் ஆ. ரவீந்திரன் அவர்கள் கலந்து சிறப்பித்தார். இந்நிகழ்வில் விரிவுரையாளர்கள் அனைவரும் மாணவ ஆசிரியர்களால் கௌரவிக்கப்பட்டு, விரிவுரையாளர்களாலும் மாணவ ஆசிரியர்களாலும் பல்வேறு கலை நிகழ்வுகளும் அரங்கேற்றப்பட்டன. மேலும் கல்லூரியின் சிரேஷ்ட விரிவுரையாளர் கலாநிதி சி. பத்மராஜா அவர்களின் வழிகாட்டலில் "படி" சஞ்சிகையானது உலக ஆசிரியர் தினத்தை முன்னிட்டு வருடாந்த வெளியீடாக வெளியிடப்பட்டது. இம்முறை உலக ஆசிரியர் தினமானது "நாம் விரும்பும் கல்விக்காக எமக்கு ஆசிரியர்கள் தேவை: ஆசிரியர் பற்றாக்குறையை மாற்றியமைப்பது உலகளாவிய கட்டாயம்" என்னும் UNESCO வின் கருப்பொருளில் கொண்டாடப்படுவது குறிப்பிடத்தக்கது.