யாழ்ப்பாணம் தேசிய கல்வியியற் கல்லூரியின் நினைவுப்பேருரை தொடர் 02 ஆனது "பேராசிரியர் அ.துரைராசா நினைவுப்பேருரை" 20.05.2022 வெள்ளிக்கிழமை காலை 8.15 மணிக்கு பீடாதிபதி உயர்திரு சுப்பிரமணியம் பரமானந்தம் அவர்களின் தலைமையில் கல்லூரி பிரதான மண்டபத்தில் நடைபெற்றது. இதில் "பாடசாலைகளிலும் வகுப்பறைகளிலும் ஆசிரியர்களுக்கான சமூக மூலதனத்தை கட்டிவளர்த்தல்: ஆய்வுக்கான பண்புசார் அளவீடுகளைக் கண்டடைதல் தொடர்பான கொள்கைநிலைக் கருத்தாடல்" எனும் தலைப்பில் நடைபெற்றது. இதில் நினைவுப் பேருரையாளராக இராஜேஸ்வரன் இராஜேஸ்கண்ணன் (சிரேஷ்ட விரிவுரையாளர், சமூகவியல் துறை, யாழ்ப்பாணப் பல்கலைக்கழகம்) அவர்கள் கலந்துகொண்டு பேருரை ஆற்றினார். இந்நிகழ்வில் விரிவுரையாளர்கள், மாணவ ஆசிரியர்கள் என பலரும் கலந்துகொண்டு பயன்பெற்றனர்.