யாழ்ப்பாணம் தேசிய கல்வியியற் கல்லூரிக்கு நிலம் தந்த கொடை வள்ளல் முன்னாள் கௌரவ பாராளுமன்ற உறுப்பினரான அமரர் வீ.தர்மலிங்கம் அவர்களின் 38ஆவது நினைவு நாள் 02.09.2023 அன்று பிற்பகல் 4.00 மணிக்கு யாழ்ப்பாணம் தேசிய கல்வியியற் கல்லூரியில் நடைபெற்றது. இந்நிகழ்வில் கல்லூரியில் அமைந்துள்ள அன்னாரின் திருவுருவச் சிலைக்கு கௌரவ தர்மலிங்கம் சித்தார்த்தன் (பாராளுமன்ற உறுப்பினர்) அவர்களும், கல்லூரியின் பீடாதிபதி உயர்திரு சுப்பிரமணியம் பரமானந்தம் அவர்களும் மற்றும் மாணவ ஆசிரியர்கள் என பலரும் மலர் மாலை அணிவித்து அஞ்சலி செலுத்தினர். இந்நிகழ்வில் கௌரவ தர்மலிங்கம் சித்தார்த்தன் (பாராளுமன்ற உறுப்பினர்) அவர்கள் அஞ்சலியுரை ஆற்றியதுடன் இந்நிகழ்வில் விரிவுரையாளர்கள், கல்விசாரா பணியாளர்கள் மாணவ ஆசிரியர்கள் மற்றும் பலரும் கலந்து சிறப்பித்தனர்.