யாழ்ப்பாணம் தேசிய கல்வியியற் கல்லூரியின் கலாசார மன்றத்தினரால் நடாத்தப்பட்ட உலக ஆசிரியர்தின விழாவானது 05.10.2019 அன்று கல்லூரியின் பிரதான மண்டபத்தில் கலாசார மன்றத்தலைவர் திரு. தொபியாஸ் கலிஸரஸ் நிராஜ் தலைமையில் சிறப்பாக நடைபெற்றது. இந்நிகழ்வின் பிரதம விருந்தினராக மடு வலயக்கல்விப் பணிப்பாளர் உயர்திரு க. சத்தியபாலன் அவர்களும் சிறப்பு விருந்தினராக உயர்திரு தி. நிரோஸ்( தவிசாளர், வலிவடக்கு பிரதேச சபை) அவர்களும் கௌரவ விருந்தினர்களாக பீடாதிபதிஇ உப பீடாதிபதிகள், விரிவுரையாளர்கள் ஆகியோரும் கலந்து சிறப்பித்தனர். மாணவ ஆசிரியர்களால் விரிவுரையாளர்கள் கௌரவிக்கப்பட்டனர். அதனைத் தொடர்ந்து மாணவர்கள் மற்றும் விரிவுரையாளர்களின் கலைநிகழ்வுகள் இடமபெற்றன.