யாழ்ப்பாணம் தேசிய கல்வியியற் கல்லூரியின் கணித மன்றத்தின் ஏற்பாட்டில் Math Day 2023 ஆனது 30.10.2023 அன்று கல்லூரியின் பீடாதிபதி கலாநிதி சுப்பிரமணியம் பரமானந்தம் அவர்களின் தலைமையில் நடைபெற்றது. இந்நிகழ்வில் பிரதம விருந்தினராக யா/விக்ரோரியா கல்லூரியின் ஆசிரியர் திரு ரி. புஷ்பகாந்தன் அவர்கள் கலந்து சிறப்பித்ததுடன் சிறப்பு விருந்தினராக ஸ்ரீபாத தேசிய கல்வியியற் கல்லூரியின் விரிவுரையாளர் திரு எஸ். குணசீலன் அவர்களும் கௌரவ விருந்தினர்களாக ஆசிரியர்களான திருமதி தீபிகா கிறிஸ்ரின் மற்றும் திருமதி ஜெ. ஜனத்தின் ஆகியோர் கலந்து சிறப்பித்தனர். இந்நிகழ்வில் பல்வேறுபட்ட நூல்கள் வெளியிடப்பட்டதுடன் கணித பாடத்தின் முக்கியத்துவத்தை உணர்த்தும் வகையிலான நிகழ்வுகளும் நடைபெற்றமை குறிப்பிடத்தக்கது. இந்நிகழ்வில் விரிவுரையாளர்கள் மற்றும் இரண்டாம் வருட மாணவ ஆசிரியர்கள் என பலரும் கலந்து சிறப்பித்தனர்.