யாழ்ப்பாணம் தேசிய கல்வியியற் கல்லூரியின் பீடாதிபதி உயர்திரு சுப்பிரமணியம் பரமானந்தம் அவர்களின்; வழிகாட்டலின் கீழ் தீவக வலயக் கல்வி அலுவலகத்தின் அனுசரனையுடன் தீவக வலயத்தைச் சேர்ந்த ஆசிரியர்களுக்கான தகவல் தொடர்பாடல் தொழிநுட்பச் செயலமர்வு 24.07.2020 அன்று யாழ்ப்பாணம் தேசிய கல்வியியற் கல்லூரியில் நடைபெற்றது. இச்செயலமர்வில் திறன்பலகை(Smart Board) , Zoom மென்பொருளைக் கற்றல்-கற்பித்தலுக்குப் பயன்படுத்தல் மற்றும் மெய்நிகர் சாதனம்(Virtual device) தொடர்பான விளக்கங்களும் செய்முறைகளும் நடைபெற்றது. இதில் வளவாளர்களாக கல்லூரியின் தகவல் தொடர்பாடல் தொழிநுட்ப விரிவுரையாளர்களான திரு.வே.நந்தகுமார் மற்றும் திரு.ம.நிரேஸ்குமார், ஆங்கில மொழிமூலமான கணித பாட விரிவுரையாளர் திரு.நா.அம்பிகைபாகன் ஆகியோர் செயற்பட்டனர்.