யாழ்ப்பாணம் தேசிய கல்வியியற் கல்லூரியின் விஞ்ஞானப் பிரிவு மாணவர்களால் பௌதீகவியல் பாட விரிவுரையாளர் திரு.பொ. விஜயகுமாரன் அவர்களின் வழிகாட்டலுடன் விடுமுறைகால விஞ்ஞான செயற்பாடுகள் இணையவழியில் 30.11.2020 அன்று சிறப்பாக நடைபெற்றது. இந்நிகழ்வின் ஆரம்பத்தில் பீடாதிபதி உயர்திரு சுப்பிரமணியம் பரமானந்தம் அவர்களின் ஆசியுரையும் தொடர்ந்து மாணவர்களின் பல சிறப்பு நிகழ்ச்சிகளும் நடைபெற்றது. இறுதியில் உப பீடாதிபதி(நிதியும் நிர்வாகமும்) திரு. தி. ஜெயகாண்டீபன் அவர்களால் நிகழ்வு தொடர்பான கருத்துரையும் வழங்கப்பட்டது. இந்நிகழ்வில் விரிவுரையாளர்கள் மற்றும் மாணவர்கள் கலந்து சிறப்பித்தனர்.