யாழ்ப்பாணம் தேசிய கல்வியியற் கல்லூரியின் ஆசிரியர் தின நிகழ்வானது பீடாதிபதி திரு சுப்பிரமணியம் பரமானந்தம் தலைமையில் 05.10.2020 அன்று கல்லூரியின் பிரதான மண்டபத்தில் மிகவும் சிறப்பான முறையில் நடைபெற்றது. பிரதம விருந்தினராக வவுனியா கல்வியியற் கல்லூரியின் ஓய்வுநிலைப் பீடாதிபதி திரு. கதிரேசன் சுவர்ணராஜா அவர்கள் கலந்து சிறப்பித்தார். ஆசிரிய கல்வியியலாளர்கள் மாணவ ஆசிரியர்களால் கௌரவிக்கப்பட்டார்கள். அதனைத் தொடர்ந்து விரிவுரையாளர்கள் மற்றும் மாணவ ஆசிரியர்களின் கலைநிகழ்வுகள் நடைபெற்றது. மாலை நிகழ்வாக விரிவுரையாளர்கள் மற்றும் மாணவர்களுக்கிடையிலான மென்பந்து துடுப்பாட்டம் நடைபெற்றது. இந்நிகழ்வுகளுக்கான ஒழுங்குபடுத்தல்களை கல்லூரியின் கலாசார மன்றத்தினர் மேற்கொண்டிருந்தனர்.